Lazima Tuondoke na Ushindi Kutoka kwa Mtibwa Leo- Omog

Kocha wa Simba, Joseph Omog amesema anaifahamu vyema Mtibwa Sugar kuwa ni timu nzuri na ina wachezaji bora hivyo haitakuwa mechi rahisi kushinda, lakini lazima waondoke na ushindi leo.

Mechi hiyo inawakutanisha Simba na Mtibwa kwenye uwanja wa uhuru ikiwa ni siku moja baada ya mechi ya watani zao Yanga walioibuka na ushindi jana Jumamosi.

Matokeo ya Yanga ya mabao 2-1 dhidi ya Kagera Sugar yanawapa presha Simba kucheza kufa na kupona ili kuibuka na pointi tatu zinazoweza kuwarejesha kileleni mwa msimano wa Ligi Kuu leo.