Quick Rocka aeleza anakopata mkwanja mrefu nje ya muziki

Msanii wa muziki, Quick Rocka amewajibu wanaohoji mafanikio yake kuwa makubwa kuliko muziki kwa kusema siku zote mafanikio yana sauti kuliko mihangaiko.

Rocka amesema kwamba mara nyingi watu wa nje hawawezi kujua ni kwa muda gani amekaa benchi kutafuta nafasi aliyonayo leo hivyo ni sahihi kwa wao kuzungumza kwamba anamafanikio mengi kuliko kazi zake za muziki.

“Mafanikio huwa yanaonekana zaidi kuliko Struggle, kipindi nahangaika hakuna mtu alikuwa anajua napata tabu kiasi gani kujitengeneza kuwa mtu wanayemuona sasa zaidi ya watu wangu wa karibu,” Quick Rocka alikiambia kipindi cha Enewz cha EATV.

“Nina biashara za familia ninazosimamia, Lebo ya muziki na wasanii wake, studio na mambo mengine mengi lakini hayo watu hawayaoni, na mimi nitawaacha waendelee kuongea huku nikiendelea na kazi zangu”,

Kwa sasa muimbaji huyo anafanya vizuri na wimbo wake ‘Down’.