Baby Madaha atoa povu kuhusu video queen kuamua kuimba

Msanii wa muziki Baby Madaha amedai muziki umeingiliwa na watu ambao hawana vipaji huku akidai siku hizi kila video queen anaingia kwenye muziki na kuanza kuimba.
Muimbaji huyo ambaye anafanya vizuri na wimbo ‘Marioo’ wa kundi la scorpion, ameiambia Bongo5 kuwa video queen wengi walioingia kwenye muziki wameingia kuharibu heshima ya muziki ambayo wameitengeneza kwa muda mrefu.
“Kuna wasanii wengi sana wanabebwa na wao ndio wanaoharibu muziki kwa sababu wao walikuwa video queen ghafla wanaanza kuimba, wanaimba vitu vya ajabu ajabu, muziki ambao hauna uhai,” alisema Baby Madaha.
Aliongeza, “Sina haja ya kumtaja mtu jina, lakini ukweli ni kwamba kuna watu hawana vipaji wameingia kwenye muziki kwa bahati mbaya au kujatibu. Kuna watu wanaimba upuuzi kabisa acha tu. Unajua muziki kuwa proud hata mama yako anaweza kuimba. Lakini kuna wasanii wanaimba vitu vya ajabu sana, wanachojua wao ni kuweka miili yao wazi kitu ambacho sisi wakongwe hatuwezi kufanya hivyo,”
Hata hivyo muimbaji huyo alishindwa kuwataja wasanii hao ambao anadai wamevamia tasnia ya muziki.